20 меңгә – бозау

Хәзер терлек бик кыйммәт, 3 - 4 айлык бозау өчен 20 - 23 мең сум сорыйлар. Узган якшәмбе көнне оештырылган ярминкәдә бәяләр шулайрак иде.

Халык инде күнегеп өлгергән бу сәүдә базарында сыер һәм дуңгыз ите, кызыл чебеш-тавыклар, дуңгыз балалары, кыяр, чәчәк үсентеләре, көнкүреш кирәк-яраклары, буяну-бизәнү әйберләре, чүпрәк-чапрак, киемнәр тәкъдим иттеләр.

"Кәрвансарай" янәшәсендәге мәйданда, бик күп булмаса да, халык бар иде. Яңгыр да сибәләп торгач, сатучыларның бер өлеше товарларын төшкә кадәр үк җыештырып куйдылар.