Чирмешән стадионында чаңгы базасы декабрьдә эшли башлый
Быел чаңгыда шуарга яратучыларга әлеге спорт төре белән шөгыльләнергә бөтен мөмкинлекләр дә булачак.
Чирмешән стадионында җәен генә быел төзелгән “Җиде тирәк” исемле чаңгы базасы декабрь аенда эшли башларга тиеш. 120 квадрат метр мәйданны биләгән бу базада барлык уңайлыклар да тудырылган: ир-атлар һәм хатын-кызлар өчен аерым киенү-чишенү, хәтта душ бүлмәләре дә ясалган.
7 миллион сумлык модульле базада чаңгылар да бар.
-Төрле зурлыкта, ботинкалары белән 100 пар чаңгы кайтты, - ди “Чирмешән” физкультура-сәламәтләндерү комплексы директоры Камил Назыйров. –Базада көн саен, дүшәмбедән тыш, иртәнге сәгать 10 нан кичке 9 га кадәр чаңгыларны прокатка алырга мөмкин була. Трасса ясау өчен үебезнең кар машинасы бар.
Кадыйр Гомәров фотосы
Следите за самым важным и интересным в Telegram-каналеТатмедиа
Нет комментариев