Район үзәк больницасында наркологта 5 наркоман һәм 2 токсикоман исәптә тора, наркотик матдәләр куллануга хирыс 4 кеше дә исәпкә куелган. Районда тагын ике шундый кеше барлыгы билгеле, тик алар әлегә исәпкә куелмаган. Наркотик куллануны профилактикалау-кисәтү һәм бу чирне иртә срокларда ачыклау максатында мәктәп укучылары (14-18 яшьлекләр) арасында тест үткәрелә. Аңа...
Район үзәк больницасында наркологта 5 наркоман һәм 2 токсикоман исәптә тора, наркотик матдәләр куллануга хирыс 4 кеше дә исәпкә куелган. Районда тагын ике шундый кеше барлыгы билгеле, тик алар әлегә исәпкә куелмаган.
Наркотик куллануны профилактикалау-кисәтү һәм бу чирне иртә срокларда ачыклау максатында мәктәп укучылары (14-18 яшьлекләр) арасында тест үткәрелә. Аңа керешкәнче яшүсмерләр арасында аңлату эшләре алып барыла. 15 яшькә кадәрге укучылар әти-әниләре рөхсәте белән генә тикшерелә.
Әлегә кадәр мондый тикшерү Татарстанда гына үткәрелсә, 2013 елның июнендә Россиядә дә моңа кагылышлы закон гамәлгә кергән.
-Былтыр 430 яшүсмер белән тестлаштыру үткәрдек. Бәхеткә, наркотик кулланучылар ачыкланганы юк,- ди район үзәк больницасының наркология кабинеты шәфкать туташы Галина Степанова.
Үткән ел, район мәгариф бүлегеннән бирелгән исемлек буенча, нарколог 106нчы һөнәр училищесы курсантларын, Лашман, Түбән Кармалка, Ивашкино, кадет-интернат мәктәбе, Иске Кади, Ульяновка, Туймәт, Бәркәтә, Күтәмә, 1нче Чирмешән урта мәктәпләре укучыларын тикшергән. Быел да мондый тестлау булачак.
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев