Чирмешән районының җиңү яулаган укучылары театрга барачак

Нәтиҗәдә  Чирмешән лицееның 8 сыйныф укучысы Нурфат Газыймҗанов (ул Лашман авылыннан) “Шигърият» номинациясендә - беренче, «Публицистика» номинациясендә икенче урынга лаек булды. Ә Кармыш мәктәбенең 7 сыйныф укучысы Алия Якупова  “Проза” номинациясендә 3 урын иясе. Уңышка ирешкән якташларыбызны дипломнар, бик күп китаплар һәм Казандагы Галиәскар Камал исемендәге театрга билетлар белән сөендергәннәр.

Нурфат һәм Алия катнашкан Флүс Латыйфи исемендәге әлеге әдәби бәйге сәләтле яшь авторларның татар әдәбияты өлкәсендәге иҗади потенциалын үстерүгә ярдәм итү һәм сәләтле балаларны, яшьләрне әдәбият өлкәсендә ачыклау, аларга үсештә практик ярдәм күрсәтү максатында оештырыла. Ул биш номинациядә уздырыла: шигърият, проза, балалар әдәбияты, драматургия һәм публицистика.

Рәзилә Шәрифуллина фотолары