«Уяв»тан – бүләкләр белән

Нурлатта узган "Уяв" чуваш мәдәнияты бәйрәмендә Сосновка авылыннан Людмила Ефремова "Милли ашамлыклар" номинациясендә - беренче, ә Иске Элмәледән Анжелика Селиванова "Уяв пике-2012" ("Уяв чибәре") бәйгесендә призлы - өченче урынга лаек булды.

Фестивальдә Иске Элмәленең "Мерчель" ансамбле һәм Сосновкадан "Авал" коллективы да чыгыш ясадылар, актив катнашулары өчен Дипломнар белән бүләкләнделәр.

Гомумән, "Уяв"та Россия Федерациясенең төрле төбәкләреннән-45, Татарстан Республикасыннан 49 фольклор коллективлары катнашты.

Агриппина Селиванова, район мәдәният йортының сәнгать җитәкчесе.