Безнең Чирмешән
  • Рус Тат
  • Чирмешәнлеләр халык уен коралларында уйнап танылганнар

    Әлмәттә узган «Урсал тауда» өченче Бөтенроссия фестиваль-бәйгесендә балалар сәнгать мәктәбе укучылары: Мансур Галәүтдинов “Соло” номинациясендә – икенче, Никита Михляев өченче дәрәҗә лауреат булганнар.

    Укытучы Гүзәлия Сәлахованың тагын бер укучысы – Камил Казаков та җиңүчеләр рәтендә, ул икенче дәрәҗә Диплом белән бүләкләнгән.

    “Фантазия” халык уен кораллары ансамбле да (җитәкчесе Владимир Юрин) әлеге бәйгедә икенче дәрәҗә лауреат булган.

    Реклама

    Әлеге чарада 19 музыка һәм сәнгать мәктәпләреннән 130 башкаручы катнашкан, алар гитарада, домбрада, балалайкада, баянда, аккордеонда уйнап үз осталыкларын күрсәткәннәр.

    Укытучылары да бүләккә лаек

    Фәрит Яруллин исемендәге республика бәйгесендә балалар сәнгать мәктәбе  укучылары: Камил Казаков, Мансур Галәүтдинов һәм Никита Михляев үз яшьтәшләре арасында икенче дәрәҗә лауреат булганнар. Җиңүчеләргә дипломнар һәм истәлеккә бүләкләр тапшырылган. Укытучылары Гүзәлия Сәлахованы  бәйге лауреатларын әзерләүдә педагогик осталыгы өчен Грамота белән бүләкләгәннәр.

    “Классик гитарада уйнаучылар”ның Әлмәттә узган бу бәйгесендә 50 дән күбрәк укучы көч сынашкан.

    Автор фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: