Безнең Чирмешән
  • Рус Тат
  • Кыш бабайга әбиләр дә сөенде

    Яңа елга керер алдыннан Кыш бабай Чирмешәндәге өлкәннәр һәм инвалидлар йорт-интернатында яшәүчеләргә дә бүләкләр алып килде. Ялгызы гына түгел, үзе белән бер төркем җырчы, биючеләр, хәтта Убырлы карчыкны да иярткән әле ул. Чыршы тирәсендәге тамашада әби-бабайлар, балаларча сөенеп, үзләре дә уеннарда катнаштылар. Алып баручы биргән табышмакларга да җавапларны тиз таптылар...

    Яңа елга керер алдыннан Кыш бабай Чирмешәндәге өлкәннәр һәм инвалидлар йорт-интернатында яшәүчеләргә дә бүләкләр алып килде.


    Ялгызы гына түгел, үзе белән бер төркем җырчы, биючеләр, хәтта Убырлы карчыкны да иярткән әле ул. Чыршы тирәсендәге тамашада әби-бабайлар, балаларча сөенеп, үзләре дә уеннарда катнаштылар. Алып баручы биргән табышмакларга да җавапларны тиз таптылар алар.

    Кыш бабай исә, монда яшәүче 58 кешенең берсен дә онытмыйча, тәм - томнар белән тулы күчтәнәч пакетлар алып килгән.
    "Сезгә иң мөһиме - сәламәтлек, җан тынычлыгы телим",- диде чарада катнашкан муниципаль район башлыгы Нурхамәт Хәмидуллин йорт-интернатта тәрбияләнүчеләрне тәбрикләп.

    Әби-бабайлар Яңа ел бәйрәмен 31нче декабрь көнне сыйлы табын артында да дәвам итәчәк.

    Марат Гомәров фотолары.

    Нравится
    Поделиться:
    Комментарии (0)
    Осталось символов: