Чирмешәндә гүзәл затлар арасында машина йөртү осталыгына бәйге узды. Катнашучылар автомобиль белән идарә итү ирләр эше генә түгел, хатын-кызлар моны яхшы башкаруларын исбатладылар.
Ярышлар Әлмәт ДОСААФ автомәктәбенең Чирмешән бүлекчәсе мәйданчыгында үтте. Бәйгене “Юл хәрәкәте иминлеге” учреждениесенең Чирмешән бүлеге, Россия Эчке эшләр министрлыгының Чирмешән районы буенча Дәүләт автоинспекциясе бүлеге, ДОСААФ автомәктәбе һәм “Орион” яшьләр үзәге оештырды.
Катнашучыларга машина йөртүдә барлык осталыкларын күрсәтергә туры килде: юлда йөрү кагыйдәләрен белү, автомобиль белән ышанычлы идарә итү, куркынычсыз йөртү күнекмәләре.
Беренче урынны Минзилә Мортазина яулады. Икенчедә – Вероника Житенева, өченчедә – Нурзилә Галимова. Оештыручылар һәр катнашучының уникаль стилен билгеләү өчен махсус номинацияләр дә оештырдылар. “Автоханым – грация” исеме Диләфрүз Мәкъсүмовага бирелде. Ә “Автоханым – пөхтәлек” номинациясенә күнегүләрне төгәл башкарган өчен Гүзәлия Сафиуллина лаек булды.
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев