Чирмешән район үзәк больницасына эшкә яшь табиблар кайтты

Чирмешән район үзәк больницасында сентябрь башыннан ике табиб эшкә кереште.

• Хәзер Айзирәк Мингатина (Чирмешән) – поликлиниканың участок табиб-терапевты. Айзирәк Минсалих кызы Казан дәүләт медицина университетын тәмамлаган. Шулай итеп аның табиб булу хыялы туган авылында тормышка ашты.

• Зилә Җиһаншина (Чирмешән) исә - табиб-педиатр. Зилә Марат кызы да белгечлеген Казан дәүләт медицина университетында алган.

• Камилә Асылгәрәева (Лашман) Түбән Кама медицина колледжын тәмамлаган. Камилә Марат кызы хезмәт юлын поликлиника фельдшеры булып башлады.

Әлеге өч якташыбыз да районнан максатчан программа буенча укыганнар.

• Ләйсирә Нургалиева (Чирмешән) - Лагерка фельдшер-акушерлык пунктының яңа фельдшеры. Ләйсирә Ислам кызы Бөгелмә медицина колледженда укыган.

-Яңа белгечләребезгә эшләрендә уңышлар телибез. Кадрлар составын тулыландыру буенча эшне дәвам иттерә. Безгә әле тагын табиблар: невролог, лор, эндокринолог кирәк, - диде район үзәк больницасы баш табибы Лилия Мортазина.

"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.