Күтәмәдә кышны озаттылар да

Үткән атнада Күтәмә авылында Май чабу - кышны озату бәйрәмен зур итеп оештырдылар.

Авыл мәдәният йорты алдында җыелган күтәмәлеләр бу көнне рәхәтләнеп күңел ачтылар. Кызыклы конкурсларда катнаштылар, җырлар тыңладылар. Бала - чага җигүле атта йөрде. Нәкъ бүген Кыш бабай белән Кар кызын озаттылар, кайнар коймак белән чәй эчтеләр.

Гомумән, май чабу атнасында коймак пешерү бик әһәмиятле йола: табадан төшкән коймаклар кояшны гәүдәләндерә, яз якынаюын билгели.

Масленица бер атнага сузыла һәм аның һәр көне билгеле бер исем астында үтә. Әйтик, дүшәмбе - каршы алу, сишәмбе - уеннар, чәршәмбе - тәм - томнар ашау көне, нәкъ шул көнне кияү каенанасына кунакка бара, пәнҗешәмбе - киң бәйрәм, җомга - "каенана утырмасы", бишенче көнне инде кияү кайнанасын кадерләп кунак итәргә тиеш, шимбәдә - "каен сеңел утырмасы". Май чабуны кичерү якшәмбесе йомгаклый.

Масленицаның тагын бер йоласы бар - кышны гәүдәләндергән карачкыны яндыру.

Май чабудан соң правос-лавие динен тотучыларның Бөек посты башлана, ул Пасха бәйрәменә кадәр дәвам итәчәк.

Гөлсирә Шәрифуллина.