Көн темасы
Чирмешәнлеләр игелекле эшләргә көчен кызганмый
"Президент белән бергә" Татарстан иҗтимагый хәрәкәте активистлары башлап җибәргән "Изге эшләр эстафетасы"на чирмешәнлеләр дә бик теләп кушыла. Әлеге акция кысаларында районда хәйриячелек, экологик, сугыш һәм тыл ветераннарына, ятимнәргә һәм физик мөмкинлекләре чикле кешеләргә адреслы ярдәм күрсәтү, территорияләрне, парк, сквер, һәйкәлләрне төзекләндерү юнәлешендә байтак эшләр башкарылды. Рәмзия Долгополова (Чирмешән муниципаль районы...
"Президент белән бергә" Татарстан иҗтимагый хәрәкәте активистлары башлап җибәргән "Изге эшләр эстафетасы"на чирмешәнлеләр дә бик теләп кушыла. Әлеге акция кысаларында районда хәйриячелек, экологик, сугыш һәм тыл ветераннарына, ятимнәргә һәм физик мөмкинлекләре чикле кешеләргә адреслы ярдәм күрсәтү, территорияләрне, парк, сквер, һәйкәлләрне төзекләндерү юнәлешендә байтак эшләр башкарылды.
Рәмзия Долгополова (Чирмешән муниципаль районы башкарма комитеты хезмәткәре, "Президент белән бергә!" хәрәкәте активисты): - Шунысы сөенечле, безнең халык игелекле эшләргә көчен дә, вакытын да кызганмый. "Изге эшләр эстафетасы"на да битарафлар юк.
Районда яшәүче 26 сугыш ветеранын оешмалар һәм предприятиеләр шефлыкка алды. Аларга көнкүреш проблемаларын хәл итәргә рухи яктан булышалар. Шефлар һәр ветеранны республика һәм район матбугат басмаларына яздырдылар. 600дән артык тыл ветераныбыз да игътибардан читтә калмый, һәр авылда мәктәп, балалар бакчалары, мәдәният йортлары хезмәткәрләре алар-
га даими ярдәм итә.
Бу гамәлләр барысы да халыкның Татарстан Республикасы Президенты Рөстәм Миңнехановның республика үсешенә, социаль проблемаларны хәл итүгә юнәлдергән программасын һәм инициативаларын яклавын дәлилли.
Быел, Җиңүнең 70 еллыгы уңаеннан, райондагы обелисклар һәм һәйкәлләр бигрәк тә игътибар үзәгендә. Иң мөһиме, халык каяндыр читтән ярдәм көтеп ятмый. Дистәдән артык авылда шунда яшәүчеләр көче белән Бөек Ватан сугышында һәлак булган авылдашлары истәлегенә төзелгән һәйкәлләр ремонтланды. Әлеге мемориаль комплексларны мәктәп укучылары ел әйләнәсенә карап-чистартып торалар.
Яз җитү белән район үзәгендә һәм авылларда санитар-экологик өмәләр башланды. Бездә күптәннән шундый тәртип кертелгән - һәр оешма яки предприятие аерым бер урам яки парк, сквер өчен җаваплы. Шулай бергәләп тырышканга Чирмешәнебез чиста, матур, җәен аллы-гөлле чәчкәләргә күмелә.
Фирдәвес Морадыймова ("Изге йөрәк" үзәге директоры, "Президент белән бергә!" хәрәкәте активисты): - Билгеле инде, безнең үзәк мондый изге чарадан берничек тә читтә кала алмый. Соңгы атнада гына да "Игелекле сүз көне", "Игелекле хезмәтләр көне", "Обелискка юл. Игелекле ярминкә", "Җиңү хаты" дип исемләнгән акцияләр уздырдык. Аларда мәктәп укучыларыннан алып пенсионерларга кадәр - йөзләгән райондашыбыз бик теләп катнашты. Игелеккә чикләр юк, диләр бит, районыбызда "Изге эшләр эстафетасы" дәвам итә.
Кичә Чирмешән өлкәннәр һәм инвалидлар йорт-интернатына депутатлар кунакка килде. Буш кул белән түгел, бүләкләр белән. Биредә озакламый парк булачак, анда беренче үсентеләр утыртылды да.
Автор фотосы.
Следите за самым важным и интересным в Telegram-каналеТатмедиа
Нет комментариев