Чирмешән районында янгын 300 мең сумлык зыян салган
Көннәр салкынайта төштеме, янгыннар артуы күзәтелә. Бу хәвеф-хәтәрләр мичләрне якканда һәм җылыта торган электр җиһазларын кулланганда тиешле кагыйдәләрне үтәмәү белән бәйле, диләр белгечләр. Узган ягу сезонында, әйтик, районда алты янгын теркәлгән, алар 300 мең сумлык матди зыян салган. Ут казаларының дүртесе электр җиһазларыннан чыккан, берсенең сәбәбе - ут белән сак...
Көннәр салкынайта төштеме, янгыннар артуы күзәтелә. Бу хәвеф-хәтәрләр мичләрне якканда һәм җылыта торган электр җиһазларын кулланганда тиешле кагыйдәләрне үтәмәү белән бәйле, диләр белгечләр.
Узган ягу сезонында, әйтик, районда алты янгын теркәлгән, алар 300 мең сумлык матди зыян салган. Ут казаларының дүртесе электр җиһазларыннан чыккан, берсенең сәбәбе - ут белән сак эш итмәү. Янгыннарның икесе - Чирмешәндә булды, Яңа Элмәле, Шешминка, Лашман, Иске Сережкино авылларында берәр янгын чыккан.
-Салкыннарга кадәр райондашларыбыз өй мичләренең, морҗаларның төзеклеген тагын бер карап, тикшерсеннәр иде. Морҗаларны корымнан чистарту зарур, ярылган урыннарны сылап, агартып кую таләп ителә. Бер электр розеткасыннан әллә ничә җиһаз кабызып, электр үткәргечләрне кыздырырга ярамавын онытмаска кирәк, - ди район янгын күзәтчелеге хезмәтенең өлкән инспекторы Андрей Фомин.
Безнең сайтта укыгыз:
Следите за самым важным и интересным в Telegram-каналеТатмедиа
Нет комментариев