Чирмешәндә шашлык кыздыруларны тыялар

Татарстанда янгынга каршы кертелгән катгый режим бу гамәлләрне – ут ягуларны тыя.

30 апрельдән 15 майга кадәр өй тирәләрендә, ачык һавада чүп-чар ягарга, учак кабызырга, мангал кулланырга, коры үлән яндырырга ярамаячак. Моны үтәмәгән өчен штраф җәзасы саллы: гражданнарга – 2-4 мең сум, вазифаи затларга – 15-30 мең, юридик затларга 200-400 мең сум.

Белгеч сүзе

Районның янгын күзәтчелеге хезмәте инспекторы Андрей Фомин:

-Бәйрәм көннәрендә торак пунктларга рейдка чыгачакбыз. Шушы рәвешле янгыннан саклану таләпләренең үтәлеше тикшереләчәк. Кагыйдә бозучыларга карата кисәтүләр юк, аларга штраф сугыла. Салам яндыручы авыл хуҗалыгы предприятиеләре дә аерым контрольдә булачак.

pixabay.com фотосы