Чирмешәндә иң зур участокта электрон юл белән тавыш бирәләр
Татарстан Дәүләт Советына сайлаулар Чирмешәндәге авыл хуҗалыгы һәм азык-төлек идарәсендә урнашкан сайлау участогында да вакытында башланды, үзенә күрә чиратлар барлыкка килде.
Әлеге участок районда иң зурысы, биредә 1200 тирәсе сайлаучы көтәләр. Тавыш бирү җайлы – электрон юл белән.
Әүвәл килүчеләрнең күбесе – нефтьчеләр, авыл хуҗалыгы предприятиеләрендә эшләүчеләр - механизаторлар.
-Тагын өч-дүрт көннән уракны төгәлләргә тырышабыз, аяз көннәрнең кадерен белеп калу кирәк, - ди район авыл хуҗалыгы һәм азык-төлек идарәсе начальнигы Мирзаһит Гатин.
Райондагы барлык 34 сайлау участогы да вакытында ачылды, комиссияләр эшкә кереште.
8 сентябрьдә Татарстанда бердәм тавыш бирү үткәрелә – ТР Дәүләт Советына һәм җирле органнарга депутатлар сайлана. Парламентка 100 депутат мандатына 8 сәяси партиядән һәм үз-үзен күрсәткән 430 кандидат дәгъва кыла. Тавыш бирү барышын 103 төбәк һәм федераль мәгълүмат чаралары яктырта.
Автор фотолары.
Следите за самым важным и интересным в Telegram-каналеТатмедиа
Нет комментариев