Чирмешән хәбәрләре

Бу атна азагында, 16, 17 март көннәрендә, район үзәгендә әллә ничә чара узачак.

16 март көнне:

-Чирмешәннең Амур ягында Май чабу (масленица) - Кышны озату бәйрәме булачак. Ул шимбә көнне, 12 сәгатьтә балалар-яшүсмерләр спорт мәктәбе каршында башланачак;

- "Чирмешән" физкультура-сәламәтләндерү комплексында якташыбыз Гаяз Фәрхетдинов хөрмәтенә мини-футбол буенча чираттагы турнир оештырыла. Ярышның иганәчесе - аның улы Вәгыйз.

- Район мәдәният йортында Фәйзулла Туишев исемендәге республика гармунчылар зона конкурсы булачак.

17 март көнне:

"Чирмешән кар бөртеге" массакүләм чаңгы ярышларына килергә мөмкин.

Катнашучыларны теркәү Боз спорт сарае базасында 9 сәгатьтә башлана.

Болардан тыш мәктәп укучылары 16-17 март көннәрендә Нурлатта узачак "Йолдызлык-Созвездие" фестиваленең зона бәйгесендә катнашачак.