Безнең Чирмешән
  • Рус Тат
  • Иске Үтәмеш авылы кешесе шешәдәшенә балта белән ташланган

    29 октябрьдән 6 ноябрьгә кадәр район полиция бүлекчәсендә 18 хәбәр кабул ителгән.

    01 Узган атнада районда янгыннар булмаган. Без бу хакта 135 нче Чирмешән янгын частеннан һәм 73 нче янгын частеның Күтәмәдәге аерым постыннан белештек.

    02 29 октябрьдән 6 ноябрьгә кадәр район полиция бүлекчәсендә 18 хәбәр кабул ителгән.

    Участок инспекторлары һәм полициянең башка хезмәтләре тарафыннан 10 административ беркетмә төзелгән.

    Район юлларында 3 юл-транспорт һәлакәте теркәлгән: берсендә имгәнүче бар (җәяүлене бәрдергәннәр), икесе – матди зыян белән. Юлда йөрү кагыйдәләрен бозуның 121 очрагы ачыкланган.

    Реклама

    Үз танышы белән спиртлы эчемлекләр кулланганнан соң, бәхәскә килеп, Иске Үтәмеш авылы кешесе әлеге шешәдәшен кыйный һәм башына балта белән сугып, сәламәтлегенә зыян китерә. Бу уңайдан җинаять эше кузгатылган.

    Чирмешәннән бер хатын-кыз, үзен Интернет һәм кесә телефоны аша алдап, 3 мең сум акчасын урлаган билгесез затны җаваплылыкка тартуны сорый.

    “Алкоголь” профилактик чарасы барышында Керкәле авылы кешесенең законсыз рәвештә спиртлы эчемлек сатуы ачыкланган. Тыелган вакытта сыра саткан Иске Үтәмеш авылы кибетчесенә дә закон каршында җавап бирергә туры киләчәк.

    03 Үткән ял һәм бәйрәм көннәрендә – 3-4-5-6 ноябрьдә ашыгыч медицина ярдәме хезмәтендә 80 чакырту теркәлгән. Әлеге хезмәт фельдшерлары әйтүенчә, күпчелек чакыртулар, гадәти көннәрдәге кебек, хроник авырулар янына булган, бигрәк тә кан басымы чирләреннән интегүчеләр белгечләргә еш мөрәҗәгать иткән. ОРВИ белән авыруның 15 очрагы теркәлгән, көнкүрештә имгәнүчеләр бар.

    04 Газ хезмәте слесарьлары узган атнада 38 заявка үтәгәннәр. Алар, барысы да, газ җиһазларын көйләү һәм төзәтү белән бәйле.

    Кадыйр Гомәров фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: