Чирмешәнлеләрне район башлыгы бүләкләде

Районның социаль-икътисади үсешенә лаеклы өлеш керткәннәре, күпьеллык һәм нәтиҗәле хезмәтләре өчен, Әккәрәй авыл китапханәсе китапханәчесе Ольга Ивановна Ефимова, район мәдәният бүлеге начальнигы Ольга Владимировна Маркова, Чирмешән һәм Аксубай районнары хәрби комиссарының финанс- икътисад, социаль һәм пенсия эше буенча өлкән ярдәмчәсе Валентина Алексеевна Портнова, Чирмешән  кадетлар мәктәп – интернатының тәрбия эшләре буенча директор урынбасары Елена Ивановна Анисимова муниципаль район башлыгының Мактау грамотасы белән бүләкләнделәр.

Күпьеллык һәм нәтиҗәле хезмәтләре, районның мәдәният үсешенә лаеклы өлеш керткәннәре өчен, Мәдәният хезмәткәрләре көне уңаеннан. Иске Котыш мәдәният йорты директоры Екатерина Ивановна Борисовага, Чирмешән җирлекара үзәк китапханә уку залының әйдәп баручы китапханәчесе Оксана Игоревна Сафиуллинага, мәдәният  бүлегенең бухгалтерия исәбе һәм хисабы бүлеге начальнигы Зоя Михайловна Яковлевага район башлыгының Рәхмәт хаты тапшырылды.

Автор фотосы