Безнең Чирмешән

Чирмешән районы

18+
Рус Тат
2024 - Гаилә елы
Дин һәм тормыш

Чирмешәндә Корбан бәйрәмендә фокусчы да катнашты (+ФОТО)

Чирмешән авылында балалар өчен Корбан бәйрәме оештырылды. Һава торышы яңгырлы булу сәбәпле, бәйрәмне Чирмешәннең Физкультура-сәламәтләндерү үзәгендә үткәрергә туры килде. 100 дән артык бала катнашкан бәйрәмне Чирмешән мәчете имам-хатыйбы Рамил хәзрәт Ибраһимов ачып җибәрде. Ул барча кунакларны да корбан гаете белән тәбрикләде. Аннан соң балалар батутларда сикереп уйнадылар, поп-корн, татлы мамык...

Чирмешән авылында балалар өчен Корбан бәйрәме оештырылды. Һава торышы яңгырлы булу сәбәпле, бәйрәмне Чирмешәннең Физкультура-сәламәтләндерү үзәгендә үткәрергә туры килде.

100 дән артык бала катнашкан бәйрәмне Чирмешән мәчете имам-хатыйбы Рамил хәзрәт Ибраһимов ачып җибәрде. Ул барча кунакларны да корбан гаете белән тәбрикләде. Аннан соң балалар батутларда сикереп уйнадылар, поп-корн, татлы мамык белән сыйландылар.
Казан шәһәреннән килгән супер-тамада Гамил Нур төрле уеннар, бәйгеләр үткәрде, кызыклы шоу ясады. Коръән китабыннан төрле сүрәләр укып күрсәткән балаларга бүләкләр өләште. Фокусчы - аниматор балаларны төрле фокуслары белән гаҗәпләндерде.
Бәйрәм Чирмешән мәчетендә, балалар өчен әзерләнгән тәмле сыйлы өстәлләр артында тәмамланды.

Следите за самым важным и интересным в Telegram-каналеТатмедиа

"Безнең Чирмешән"нең Яндекс Дзен һәм Телеграм каналында иң мөһим, кызыклы вакыйгаларны күзәтегез.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Чирмешән районы Корбан бәйрәме фотографии фокусчы