Безнең Чирмешән
  • Рус Тат
  • Түбән Кәминкәдә билгесез ерткыч үрдәкләргә һөҗүм иткән

    Түбән Кәминкәдән Марат һәм Гөлнара Гарифуллиннарның үрдәкләрен төнлә ниндидер җанвар буып чыккан.

    -Иртән үрдәкләр ябылган иске мунчаны ачып җибәргәч артыма утыра яздым. 20 мулардның 18се кайсы кая тәгәрәп ята. Икесе исән, тик алары да яралы, - диде хуҗабикә. - Ишекне ачу белән алар бакчага чыгып качты, куркынганнар, ашамыйлар да. Һөҗүм итүче җәнлек кошларның муеннарын тешләп каннарын гына эчкән, түшкәләр исән.

    Хуҗалар җанварның үзен күрмәгәннәр, сасы көзәндер дип уйлыйлар. Гарифуллиннар янында ук агачлык булса да, төлке түгелдер диләр, чөнки үрдәкләр ябылган урынның ишеге яхшы ябулы.

    Реклама

    -Бик жәл инде, август аенда бер айлык килеш алган идек, бик матур үстеләр, үзебезгә насыйп булмаган шул, - дип куйды Гөлнара.

    Берәр атна элек монда икенче бер хуҗалыкның 15 тавыгын һәм әтәчләрен буып чыккан булганнар.

    фото: Гөлнара Гарифуллина

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (2)
    Осталось символов:
    • 21 сентябрь 2021 - 23:15
      Без имени
      безнен былтыр 10 таукны буып чыккан иде
    • 21 сентябрь 2021 - 23:14
      Без имени
      телке буган