Сугышта хәбәрсез югалган чирмешәнлеләрнең өстәмә исемлеге бар
Бөек Ватан сугышы музей-мемориал мөдире, "Сугышчан Дан клубы" ассоциациясе рәисе, хәрби-тарихи фәннәр академиясе әгъза-корреспонденты Михаил Черепанов "Безнең Чирмешән" ("Наш Черемшан") газетасы редакциясенә Бөек Ватан сугышында хәбәрсез югалганнар дип саналган райондашларыбызның исемлеген җибәрде.
Шулай ук, үлгәннән соң орденнар белән бүләкләнгән чирмешәнлеләр исемлеге дә бар.
Әгәр дә әлеге фронтовикларның туганнары табылса, Михаил Черепанов аларга музей-мемориал бланкасында извещениеләрнең нөсхәләрен тапшыра ала. Үлгәннән соң бүләкләнүчеләрнең туганнарына ул бүләкләү листларын да тапшырырга әзер.
Тулы исемлек район газетасының http://nashcheremshan.ru сайтында урнаштырылган.
Сораулар булса, мемориаль үзәккә яисә 8908-332-09-68 телефоны буенча мөрәҗәгать итәргә мөмкин.
фото: архив
Следите за самым важным и интересным в Telegram-каналеТатмедиа
Нет комментариев