Иске урында – яңа йорт

Торак шартларын яхшыртуга хокуклары булган ике якташыбызга, сугыш ветераннарының тол калган хатыннарына, яңа йортлар салып бирәчәкләр.

Чирмешәннән Анфиса Котина һәм Кармыштан Миңнурый Хәммәтшина хөкүмәт тарафыннан бирелгән субсидиягә үзләре яшәгән авылларда ук иске өйләре урынында яңасын төзергә ниятләгәннәр. Төзелеш идарәсе белән килешү дә төзелгән. Аның нигезендә, бу әбиләргә 15 июньгә кадәр яңа йортлар төзеп бирергә тиешләр.

Тагын 52 якташыбызның - Бөек Ватан сугышы ветераннарының һәм аларның тол калган хатыннарының гаризалары, финанслауны көтеп, исәптә тора.