Районда СВОда катнашучы якташларыбызга гуманитар ярдәм җыю максатыннан традициягә әверелгән хәйрия ярминкәсе узды.
Үткән якшәмбе көнне район үзәгенең “Кәрвансарай” сәүдә үзәге мәйданчыгындагы “Мәхәмәтлелек” хәйрия ярминкәсендә үз товарларын: камыр ризыкларын, консервлаган яшелчә, җиләк-җимешләрен, салатларын һәм кул эшләрен мәгариф бүлеге һәм Чирмешән лицее коллективлары тәкъдим итте. Төп максат — махсус хәрби операциядә катнашучы якташларыбызга гуманитар ярдәм өчен акча җыю.
Ярминкәдә район башлыгы Рамил Айбатов та катнашты һәм мондый башлангычларның мөһимлеген билгеләп, укытучыларга, укучыларга һәм ата-аналарга рәхмәт әйтте. Ул педаголар “киштәләрендәге” кайбер товарларны сатып алып, шунда ук “Игелеклелек өстәле”нә куйды, әлеге өстәлдәге бу тәмле күчтәнәчләр шулай ук СВОдагы егетләргә озатылачак.
Нет комментариев