Чирмешәндә гуманитар ярдәм җыю дәвам итә
Чирмешән районында даими рәвештә Игелек ярминкәләре уза. Сатудан кергән акчаларны махсус хәрби зонасында хезмәт итүчеләргә кирәк-яраклар алу өчен юнәлдерәләр.
Россиядәге кебек үк, чирмешәнлеләр гуманитар ярдәм җыюда да актив катнаша. Махсус хәрби операция зонасына 10 автомобиль, квадроцикл, 6 квадрокоптер, УАЗ автомобиленә резина, запас частьләр, автомобильләр өчен май һәм ягулык-майлау материаллары җибәрелде.
Шулай ук хәрбиләргә 7 бензин генераторы, бензобур, 10 бензин пычкысы, тепловизор, 80 рация, тактик рюкзак, катнаш ягулыктагы 73 мич-буржуйка, туристик газ плитәсе, газ баллоны, повербанк, генератор һәм башка бик күп әйберләр тапшырылды.
Моннан тыш, 40 кубометр такта җибәрелгән, җибәрү өчен тагын 20 кубометр әзерләнгән — барлыгы 16,5 млн сумлык 55,2 тонна азык-төлек һәм башка кирәкле әйберләр җыелган.
Районда гуманитар ярдәм җыю акциясе дәвам итә, җыю пункты итеп «Орион»яшьләр үзәге билгеләнде.
Гөлсирә Шәрифуллина фотолары
Следите за самым важным и интересным в Telegram-каналеТатмедиа
Нет комментариев