Чирмешән укучылары кыр куяннарына, пошиларга тагараклар куйганнар

-Безнең урманнарда кыргый хайваннар өчен тагараклар һәм печән салу урыннары бар иде. Әлеге акция кысаларында Югары Кармалка авылы янындарак урманга, кыр куяннарына тоз салу өчен – өч, пошиларга ике тагарак илттек. Аларны әзерләүдә Чирмешән урманчылыгы булышты, – диде ТР Биологик ресурслар буенча дәүләт комитетының Чирмешән районы буенча бүлек начальнигы Фәрит Мәгъсүмов. – Кыргый хайваннарга, кар явып, азык табу авырлашкан вакытларда тагаракларга тоз һәм печән салып торабыз.

Көзнең матур көнендә, укучылар, өлкәннәр җитәкчелегендә,  урманга барып, махсус тагаракларны урнаштырганнар һәм аларга җәнлекләр өчен тоз салганнар.  Хәзер инде кыргый хайваннар табигать яратучылар китергән күчтәнәчләр белән сыйлана.

Фәрит Мәгъсүмов фотолары