2024 елда районда күп фатирлы сигез йорт “Безнең ишегалды” республика программасына керә. Бүген моңа документлар әзерлиләр. Бу йортлар әлеге программа буенча төзекләндерелергә тиешле районда соңгылары.
- Киләсе елда райондагы барлык күп фатирлы йортларның ишегалларын яңартып бетерергә планлыйбыз. Җәйгә Чирмешәннең Техническая урамының, 28 һәм 30, Титов урамының, 13 һәм 15, Юл урамының, 30, XXII партсъезд урамындагы – 46нчы, Кирпеч заводындагы һәм Күтәмә авылындагы күп фатирлы тагын берәр йортның ишегалларына төзүчеләр киләчәк, - диде “Чирмешән” торак милекчеләре ширкәте рәисе Тамара Тимохина.
Бу йортларның ишегалларына асфальт түшәү, тротуарлар ясау, урнаштыру, автомобиль кую урыннарын киңәйтү, эскәмияләр, бордюрлар, чүп савытлары, яктырткычлар урнаштыру планлаштырыла.
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев