Кемнәр тыныч йоклар? Әлегә иң түбән күрсәткеч район үзәгендә һәм Кармыш авыл җирлегендә.
Район халкы 2022 ел өчен 1 декабрьгә чаклы түләргә тиешле 29854 сум күләмендәге милек буенча салымнарының 26167 сумын түләгән, бу тиешленең 88 проценты. Физик өч төрле: милек, җир, транспорт өчен салым түләргә тиеш иде.
Район финанс-бюджет палатасыннан хәбәр итүләренчә, 7 декабрьгә Иске Үтәмеш, Иске Котыш, Яңа Кади авыл җирлекләрендә әлеге салымнарының - 97, Түбән Кәминкә, Мордва Афонькәсе, Югары Кәминкә җирлекләрендә 96 проценты түләнгән.
Физик затлар милкенә салымны Түбән Кәминкә, Иске Үтәмеш, Яңа Кади җирлекләрендә яшәүчеләрнең барысы да түләгән. Түбән Кармалкада бу күрсәткеч – 60, Бәркәтәдә 58 процент тәшкил итә. Район буенча уртача күрсәткеч - 86 процент.
Җир салымы буенча Иске Үтәмеш, Бәркәтә, Түбән Кәминкә җирлекләре халкының 2022 ел өчен бурычлары калмаган. Ә менә район үзәгендә яшәүчеләрнең бу яктан 69 проценты гына түләүләрне башкарган. Район буенча уртача күрсәткеч - 89 процент.
Транспорт салым буенча Яңа Кади авыл җирлеге “чиста”, иң түбән күрсәткеч Кармышта – 77 (район буенча 88 процент).
Марат Гомәров фотосы.
Нет комментариев