Чирмешән районында гуманитар ярдәм җыю дәвам итә

Битараф булмаган якташларыбыз махсус хәрби операциядә катнашучылар өчен нидер бәйлиләр, тегәләр, кирәкле әйберләр алалар.

- Оешмалар, учреждениеләр генә түгел, аерым райондашларыбыз да акча бирәләр яки күчерәләр, - ди район башкарма комитеты җитәкчесе урынбасары Ләйләгөл Моксинова. –Чирмешәнлеләр якташларыбыз өчен борчыла һәм аларга булышырга әзер.

Ләйләгөл Вагыйз кызы әйтүенчә, акча муниципаль район Советы бухгалтериясендә җыела. Медикаментлар, җылы кием, азык-төлек һәм башка кирәк-ярак җыю пункты итеп “Орион” яшьләр үзәге билгеләнгән.

- Мөрәҗәгать итсәләр, без якташларыбызга һәм аларның гаиләләренә адреслы ярдәм дә итәбез, - ди Моксинова. –Хәзерге вакытта андагы егетләргә ике автомашина алу өчен акча җыела.

Гуманитар ярдәм итү мәсьәләләренә кагылышлы сораулар белән түбәндәге номерлар буенча шалтыратырга мөмкин:

8-927-042-19-74 (Рәсим Шәрифуллин, район башлыгының коррупциягә каршы тору буенча ярдәмчесе, гуманитар ярдәм җыю координаторы);

8-927-457-17-80 (Лилия Кәлимуллина, муниципаль район Советы бухгалтеры, “тере” акча җыю өчен җаваплы).

Акча күчерү өчен карта реквизитлары: 2200 5301 5306 7913  (Венера Ш).

Чат “СВОих не бросаем”  Телеграмда  https://t.me/+ikYqLGFOAixhOGNi

Гөлнара Азоркина фотолары