Чирмешәндә яшиселәре килә

ТР Президенты Рөстәм Миңнеханов әмере буенча, күп балалы гаиләләргә җир кишәрлекләрен бүлеп бирү, аларны ызанлау һәм рәсмиләштерү эше озакка сузылмаска, якын арада тәмамланырга тиеш.

Бу юнәлештә районда да зур эш башкарыла, күп балалы гаиләләрдән район үзәгендә - 35, ә авылларда 42 гариза кабул ителгән.

- Чирмешән авылында күп балалы гаиләләргә җир кишәрлекләре Көньяк микрорайоннан бүлеп бирелә. Кем алданрак язылган, шуның сайлап алу мөмкинлеге дә зуррак. Тик менә авылларда яшәүчеләр арасында канәгатьсезлек белдерүчеләр бар. Безгә дә җир участогын район үзәгеннән бирегез, авылда гына киркәми, ди алар. Ләкин закон буенча кишәрлек гаилә теркәлгән торак пункттан бирелергә тиеш, - ди "Милек һәм җир мөнәсәбәтләре палатасы МУ" начальнигы Инна Тайдакова.