Безнең Чирмешән
  • Рус Тат
  • Чирмешән районында Россия көнендә тематик чаралар узачак

    Чирмешән районында Россия көне зур бәйрәм итеп үткәреләчәк. Илебез халкы бу бәйрәмгә дә күнекте, билгеле, элек тә аны күтәренке күңел белән билгеләп үтә идек.

    Быел коронавирус пандемиясе булу сәбәпле, чараларның күп өлеше онлайн-форматта узачак.

    -Әлеге истәлекле дата уңаеннан барлык мәдәният учреждениеләре дә бәйрәм чаралары планлаштырдылар, - ди район мәдәният бүлеге начальнигы Рузилә Минхәерова. – Аларны социаль челтәрләрдә: “ВКонтакте” һәм Инстаграмдагы безнең аккаунтларда карарга мөмкин. Программада: сорашулар, онлайн-концертлар, фотокүргәзмәләр, акцияләр, бәйгеләр, мастер-класслар.

    Реклама

    Үзәк китапханә Инстаграмдагы аккаунтларында Чирмешәндә яшәүче күп милләтле халыкның бәйрәм белән котлавын урнаштырачак. Мемориаль үзәктә фоторәсемнәр бәйгесе була. Утыз Имән мәдәният йорты хезмәткәрләре онлайн-режимда патриотик җырлар башкаруны оештыралар, ә ульяновкалылар, туймәтлеләр шигырьләр укыячак. Урманасты Үтәмештә “Россия көне белән!” открыткалар ясау буенча мастер-класс уздырырга ниятләгәннәр.

    Башка мәдәният йортларында һәм китапханәләрендә дә, алда язылганча, Россия көненә күләмле, тематик чаралар әзерләнә.

    фото: архив

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: