Чирмешәндә ишегалларын төзекләндерү уңаеннан "Бердәм Россия" партиясе проекты буенча фикер алышулар дәвам итә

Чираттагы очрашу Совет урамындагы 36-42 нче йортларда яшәүчеләр белән узды. Анда район Советы депутатлары һәм “Бердәм Россия” партиясенең җирле бүлекчәсе сәркатибе Габдерәшит Җамалтдинов та катнашты.

Күл янындагы йортларда яшәүчеләрне, нигездә, башка күпфатирлы йортларда гомер итүче чирмешәнлеләрнеке кебек үк, юлларның ватылуы, ял итү өчен эскәмияләр, кер киптерү урыннары булмау борчый. Шул ук вакытта монда яшьләрнең төнлә тавышланулары, чит автомобильләрне кертмәс өчен шлагбаум кирәклеге турында да әйттеләр. Халык җиткергән барлык фикерләрне кәгазьгә теркәделәр, төзекләндерү планын ясаганда аларны исәпкә алачаклар.

фото автора