Чирмешән районының Лашман егетләре яңа форма киеп көрәшәчәк
Анда-монда ярышларга барсалар, Лашман көрәшчеләрен әүвәл киемнәренә карап яхшы каршы алачаклар. Күптән түгел бу авыл мәктәбенең яшь спортчылары бик шәп, өр-яңа спорт формаларына ия булдылар.
Өсте яшелле-кызыллы, чалбары ак төстәге 11 комплект көрәшчеләр формасы һәм 8 комплект аяк киеме (борцовкалар) - Шешмаойл компаниясе бүләге. Аларны әлеге компаниянең генераль директоры урынбасары, Лашман мәктәбенең элеккеге укучысы Җәлил Мөхәммәтшин яшь көрәшчеләргә үзе килеп тапшырды.
– Формалар Россия спорт стандартларына туры килә. “Лашман” язуы да төшерелгән бу киемнәрне ярышларга киеп йөриячәкбез. Бүген безнең милли көрәш белән даими шөгыльләнүче егермеләп егетебез бар, - ди тренер Рафик Гатин.
Спорт формаларына өстәп, иганәчеләр мәктәпкә бер видеопроектор да бүләк иткәннәр.
Илдар Мубаракшин фотолары
Следите за самым важным и интересным в Telegram-каналеТатмедиа
Нет комментариев