Чирмешән районында төп чаралар 8, 9 майга билгеләнгән

Бәйрәмгә әзерлек күптәннән башланды: төрле чаралар үткәрелә, һәйкәл-обелисклар тәртипкә китерелә.

8 май көнне район авылларында Җиңү көненә багышланган тантаналы митинглар, ветераннар белән чәй мәҗлесләре, концертлар булачак.

9 майда – Җиңү көнендә район үзәгендәге Мәңгелек ут янында митинг оештырыла. Ул иртәнге сәгать 10да башланачак. Тантана алдыннан район мәктәпләре укучылары “Үлемсез полк” акциясе кысаларында фронтовик туганнарының, бабаларының портретлары белән Чирмешән урамнарыннан узарга планлаштыралар. Әлеге акциядә катнашырга теләүчеләр иртәнге сәгать 9да Чирмешән лицее һәм 2нче Чирмешән урта мәктәбе янында җыелачак.

Гөлсирә Шәрифуллина фотосы