Чирмешән районында кар нормадан 30 процентка күбрәк яуган
Быел февральнең икенче ун көнендә, нигездә, җылы һава торышы сакланды, кар күп яуды. Декаданың соңгы көннәрендә тәүлеклек һава температурасы уртача 9 градустан 13 градуска кадәр булды, кайбер көннәрдә 14 –20 градус чамасы иде.
-Гомумән алганда, әлеге ун көндә уртача температура 6-8 градус салкын торды, – ди район авыл хуҗалыгы һәм азык- төлек идарәсенең игенчелек буенча консультанты Рәдиф Гайнуллин. – Бу күпьеллык уртача климатик күрсәткечтән 4-6 градуска югарырак, җылырак.
Соңгы 35 елда шундыйрак һава торышы 2009 нчы елда февральнең шулай ук икенче ункөнлегендә күзәтелгән.
Быел кар күп яуган, аның катламы 35-62 сантиметрга җиткән (норма буенча 25-42).
Кар күп булгач, быел җир катламы 50-80 сантиметрга гына туңган (норма буенча 65-115 сантиметр).
-Көчле җилләр (тизлеге секундына 15-20, урыны белән 21-23 метрга кадәр җитте) кырларда карның таралып ятуына китерде, - ди Рәдиф Гайнуллин. – Явым-төшем кар катламы биеклеген 4-9 сантиметрга арттырса да, урыны белән, кар кузгалу сәбәпле, кар катламы 1-5 сантиметрга кимегән.
Фото архивтан
Следите за самым важным и интересным в Telegram-каналеТатмедиа
Нет комментариев