Чирмешән районында җиде айда 30 янгын очрагы теркәлгән
Быел, узган җиде айда, былтыргы шул чор белән чагыштырганда, районда ут бәла-казалары тугызга күбрәк булган. Соңгы елларда күренмәгән хәл, ике очракта ут яшеннән чыккан.
Әмма иң күп очракта мондый хәлләрнең сәбәбе – кешеләрнең ут белән сак булмавы: 19 факт шуның белән бәйле. Электр үткәргечләрнең, мичләрнең, морҗаларның төзексезлеге аркасында да янгыннар еш күзәтелә.
Быел “кызыл әтәч” 13 корылмага зыян салган: өч йорт, җиде каралты-кура, бер ферма һәм бер машина янган.
-Янгыннарның артуы апрель-июнь айларында еш күзәтелде. Уттан сак булу зарур, янгын куркынычсызлыгы мәсьәләләрен даими күз уңында тотарга кирәк, - ди районның янгын күзәтчелеге хезмәте инспекторы Андрей Фомин. Белгеч түбәндәгеләргә аеруча игътибар итәргә киңәш итә:
-янып китәрдәй әйберләрне балаларга бирмәскә;
-андый әйберләр белән исерек хәлдә эш итмәскә;
-өйдәге һәм каралты-куралардагы электр үткәргечләрне даими тикшереп торырга;
-морҗалар, мичләр төзек булсын, ягылган мичләрне карауны балаларга ышандырмаска.
фото из архива
Следите за самым важным и интересным в Telegram-каналеТатмедиа
Нет комментариев