Чирмешән районында 17 кеше өй шартларында карантинда утырырга тиеш
Район үзәк больницасыннан хәбәр итүләренчә, 27 мартка Чирмешән районында 17 кеше үз-үзләрен изоляцияләү хәлендә яшәргә тиешләр.
Өйдә тору срогы - 14 көн. Аларга медицина күзәтүе билгеләнгән. Бу вакытта Роспотребнадзор өйдән чыгып йөрмәскә, башка кешеләр белән аралашулардан читләшергә киңәш итә. Карантинда савыт-сабаны, шәхси гигиена чараларын, урын-җир әйберләрен һәм сөлгеләрне аерым куллану мөһимлеге әйтелә. Бу чорда шәхси саклану чаралары һәм дезинфекцияләү әйберләре файдаланырга кирәк.
Кулларны сабын белән юу, бүлмәләрне җилләтү һәм аларны төрле юу кирәк-яраклары кулланып, юеш чүпрәк белән юып, сөртеп тору зарур.
Бүгенге көнгә Россиядә коронавирус йоктыручылар саны 844кә җитте (шуның 182се соңгы тәүлектә ачыкланган), 38 кеше сәламәтләнгән, 2 кеше үлгән. Татарстанда бу чир белән авыруның 10 очрагы билгеле.
Фото: архив.
Следите за самым важным и интересным в Telegram-каналеТатмедиа
Нет комментариев