Чирмешән районы башлыгында узган елны 142 кеше кабул итүдә булган

Узган елны муниципаль район башлыгы Фердинат Дәүләтшин 142 кешене-гражданнарны кабул иткән.

Күп очракта якташларыбыз аңардан җир участокларын рәсмиләштерү, төзелеш, торак мәсьәләләре буенча ярдәм сорыйлар.

Гыйнвар аендагы быел беренче кабул итүгә 10 кеше килгән. Райондашларыбызның кайберләре район җитәкчесеннән матди ярдәм сораганнар, ферма биналарын рәсмиләштерү, тапшырган сөт өчен акча түләнмәү турында зар белдергәннәр, субсидия алу мәсьәләсендә булышлыкка өметләнүчеләр дә бар.

Район җитәкчесе гражданнарны һәр атнаның сишәмбесендә кабул итә, аңа 2-58-59, 2-59-00 телефоннары буенча язылырга мөмкин.

Кадрия Гамирова фотосы