Безнең Чирмешән
  • Рус Тат
  • Чирмешән каһарманын Венесуэлада да беләләр

    Түбән Камада яшәүче якташыбыз Ильяс Бикбаев Җиңү бәйрәме көнендә быел да радиоэфирга чыгып, авылдашы - Советлар Союзы Герое Барый Габдрахманов хакында мәгълүматны ерак чит илләрдә дә ишеттерде. Кармыш каһарманы батырлыгы хакында хәтта бездән 11 мең километр ераклыктагы Венесуэлада да тыңлаганнар.

    Радиоэкспедиция җитәкчесе радоиостанциясен быел район мәдәният йорты каршында  көйләгән. 8 метр озынлыктагы антенна, радиоҗиһазлар ярдәмендә, махсус позывной аша  ул әнә шулай ерак илләрдәге үзе кебек радиосөючеләр белән дә элемтәгә чыга. Бүген Ильяс Нурислам улын Россиядә генә түгел, Япониядә, Израильдә, Сербиядә һәм башка бик күп илләрдә тыңлаганнар. Аларга исә якташыбыз мәгълүматны барысы да аңларлык итеп, Морзе алфавиты белән җиткерә.

    -Максатым – Барый Габдрахманов хакында  еракларга ирештерү. Менә бүген эфирга чыгып, аның хакында 20 тапкыр сөйләдем. Төштән соң бу эшне Түбән Камада кичкә кадәр дәвам итәчәкмен, - ди якташыбыз.

    Ильяс Бикбаев  Җиңү бәйрәме уңаеннан, эфирга чыгарга махсус рөхсәт алып, иптәше белән, экспедициягә 5 май көнне үк чыкканнар. Түбән Камадан тотынып, республиканың тугыз торак пунктында, шулай ук Геройның туган авылы – Кармышта да булганнар, барлыгы 1200 элемтә уздырганнар.

    Ильяс Бикбаев шушы рәвешле данлыклы якташыбыз хакында  инде 7 ел сөйли. Аны Барый Габдрахманов һәлак булган  Кировоград шәһәрендә дә (Украина) ишетәләр икән.

    Нравится
    Поделиться:
    Комментарии (1)
    • 14 май 2018 - 16:29
      Без имени
      Молодец Ильяс !!!.Рэхмэт Сина.
    • 3 апрель 2018 - 09:49
      Диспансеризациягә язылыгыз, исәнлегегез белән шаяртмагыз
    • 19 март 2018 - 11:20
      Хәния Фәрхи кызына васыятен соңгы концертында сәхнәдә укыган булган (ВИДЕО)
    • Иске Үтәмеш мәктәбендә - "Соңгы кыңгырау" бәйрәме (ФОТОРЕПОРТАЖ)
    • Чирмешәннең 1нче мәктәбендә - "Соңгы кыңгырау" (ФОТОРЕПОРТАЖ)
    • Чирмешәндә шомырт чәчәк атты (ФОТОРЕПОРТАЖ)
    • Чирмешәндә сөт җыючыларны һәм сөт тапшыручыларны хөрмәтләделәр (ФОТОРЕПОРТАЖ)
    • Элеккеге Саклык поселогында якташлар очрашуы (ФОТОРЕПОРТАЖ)
    Ночной режим