Безнең Чирмешән
  • Рус Тат
  • Чирмешән инвалидлар җәмгыятендә “Тылсымлы бүлмә” ачылды

    Район инвалидлар җәмгыятендәге “Тылсымлы бүлмә”дә ниләр генә юк, хәтта  махсус өстәлдә комнан рәсем ясарга да була. Әлеге бүлмәгә беренче кунаклар - балалар сәнгать мәктәбенең рәсем сәнгате бүлекчәсе укучылары  нәкъ менә бу эшнең серләренә төшенергә, мастер-класска килделәр.

    Укытучылары аңлатканнан һәм күрсәткәннән соң, яшь рәссамнар үзләре дә ком өстендә төрле рәсемнәр ясап карадылар, монда башка әйберләр белән дә таныштылар. Соңрак, хәтта тылсымлы бүлмәдән чыгасылары да килмәде.

    Реклама

    Дөрестән дә, “Тылсымлы бүлмә”дәге һәр нәрсә хикмәтле, үзенә тартып тора. Интерактив һава-куыкчыклы көпшәләргә карап тору гына да җанга ниндидер сихри тынычлык бирә. Көпшәләрдә әлегә ясалма балыклар гына “йөзә”, бәлки киләчәктә чын аквариум балыклары да җибәрерләр. Аякларга массаж ясый торган юл (топтильная дорожка), коры яңгыр, тылсымлы мәгарә, йолдызлы күк йөзе келәме, курчак театры,  терапия утыргычы, өстәл уеннары – барысы да грант акчасына алынган. Бирегә мөмкинлекләре чикле кешеләр, балалар, гомумән, теләге булган һәркем килеп ял итә, үзенә шөгыль, җанына тынычлык таба ала. Район инвалидлар җәмгыяте хезмәткәрләре кунакларга бик шат.

    Автор фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: