Чирмешән газчылары кышкы сезонга әзерләнә

-Агымдагы елның беренче яртыеллыгында Туймәттә һәм Ульяновкада газ бүлү пунктлары биналарына капиталь ремонт үткәрелде, - ди газ хезмәте начальнигы урынбасары Рифат Гатин. – Чирмешәндә ике газ бүлү пункты җиһазлары алмаштырылган. Якын айларда бу эшне шкаф тибындагы тагын дүрт пунктта башкарырга кирәк була. Бер пунктның коймасын алыштырдык.

Төзелеш һәм ремонт эшләреннән тыш, безнең хезмәт слесарьлары җиһазларга техник хезмәт күрсәтү үткәрәләр. Түбән Кәминкәдә һәм Иске Үтәмештә 18 километр озынлыкта газүткәргеч буялды, бу эш дәвам итә.

Квартираларын һәм йортларын ике контурлы казаннар ярдәмендә җылытучыларга сервис хезмәте күрсәтүгә килешүләрне яңарту кирәклеге турында искәртеп үтәбез. Моның өчен газ хезмәтенә мөрәҗәгать итү сорала.

Һәм тагын: газчылар халыкка, җиһазларга техник хезмәт күрсәтү өчен, слесарьларны өйләргә ирекле керүне тәэмин итү гозерен җиткерәләр.

фото из архива