Безнең Чирмешән
  • Рус Тат
  • Иске Сережкино авылы халкы су булмаудан зарлана

    Безнең авылның Степная урамының бер өлешендә, клубтан югары якта, һәм Гагарин урамында су гел җитәрлек булмый. Югыйсә кызу көннәргә ерак әле, гел яңгырлар явып тора. Кайчан суга тилмерүдән туктарбыз икән?

    Владимир Ермишов.

    Иске Сережкино авылы.

    Әлеге сорауга Иске Үтәмеш авыл җирлеге башлыгы (Иске Сережкино – шушы җирлек составында) Рәфис Мингулов болай дип җавап бирде:

    Реклама

    -Әйе, андый проблема бар. Беренчедән, кызганыч, безнең бу авылда су җыела торган башня юк, су насос ярдәмендә турыдан-туры үткәргечләргә куыла. Икенчедән, Иске Сережкинодагы торбаларда су югала торган тишек, “порыв” урыны бар. Аны ясату өчен район коммуналь челтәрләре җәмгыяте белән сөйләшүләр алып барган идек. Коронавирус белән бәйле, кибетләр ябык булганлыктан, алар да ремонт эшләре өчен кирәкле запас частьләр алып кайта алмый. Хәл бераз җайлануга бу авылда үткәргечне ямап ремонтларга ниятлибез. Киләчәктә су башнясы урнаштыру мөмкинлеген дә табасы иде.

    фото: архив

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: