Почта таратучылар иң кирәкле хезмәткәрләрнең берсе дип уйлыйм. Элек тә шулай иде: дә минем туганнарым бар да читтә булды, алардан хатлар, посылкалар көтеп яшәдек. Почтада эшләүче авылдашыбыз безне шушы “күчтәнәчләр” белән сөендерә иде.
Хәзер күп еллардан бирле, безнең участокта уңган-булган, үз эшенә намуслы хат ташучы Альбина Сәйфетдинова. Ул тормыш иптәше Мингата белән булдыклы, тырыш ике ул үстерделәр, әлегә бер уллары Марат махсус хәрби операция зонасында, исән-имин булсын.
Альбина газетаны да үз вакытында тарата, безне шатландырып, баетып та китә әле. Без аларга исәнлек-саулык, тигез тормышлар, гаилә бәхете, уңышлар теләп калабыз. Газеталарда яхшы хәбәрләр генә килеп торсын, безгә дә исән-сау булып, район газетасын укып, сезнең белән хөрмәтле редакция хезмәткәрләре хәбәрләшеп яшәргә насыйп булсын.
Наҗия Мостафина.
Бәркәтә авылы.
Нет комментариев