Туймәт укучылары макулатураны күп җыйган

Бер укучыга бүлеп исәпләгәндә, 3,33 килограмм кәгазь калдыклары һәм 0,29 килограмм пластик туры килә.

Икенче чимал җыюда Чирмешән лицее укучылары нык тырышкан, аны 1895 килограмм (бер кешегә бүлсәк – 5 килограмм) туплаганнар, ләкин биредә укучылар саны да күп – 376. Ә менә Туймәт мәктәбендә  әлеге күрсәткеч бер укучыга (барлыгы 38 укучы) уртача 19 килограмм ук туры килә. Бәркәтә, Шешминка балалары да алдынгылар сафында. Ә менә Түбән Кәминкә мәктәбе (34 укучы) бу өлкәдә әлегә нык калыша.

Пластик шешә җыюда да туймәтлеләр сынатмый, бүген монда бер укучы уртача 1,58 килограмм пластик җыйган, ягъни  әлегә иң зур күрсәткеч. Ә менә Утыз Имән, Кара Чишмә мәктәпләре укучылары әлеге  төр чималны  җыя да башламаганнар.

Кадрия Гамирова фотосы