Татарстанда үзара салым буенча референдумнарны 223 күзәтүче контрольда тота

(Казан, 8 декабрь, «Татар-информ»). Үзара салым мәсьәләләре буенча референдумнарда тавыш бирү барышын 223 күзәтүче контрольдә тота. Бу хакта «Татар-информ»га Татарстан Үзәк сайлау комиссиясендә сөйләделәр.

«Тавыш бирү барышына 223 күзәтүче җәмәгать контролен гамәлгә ашыра, участокларда шулай ук аккредитацияләнгән массакүләм-матбугат чаралары вәкилләре дә эшли. Сайлау процессында катнашучыларның барысына да тавыш бирү өчен бүлмәләргә ирекле керү һәм эшләү өчен тигез шартлар тәэмин ителгән», — диелә хәбәрдә.

«Җирле референдум турында» Татарстан Республикасы Законы нигезендә җирле референдумнар уздырганда алдан тавыш бирү мөмкинлеге каралган. 7 декабрьгә исемлеккә кертелгән барлык сайлаучыларның 1,8 проценты вакытыннан алда тавыш бирү хокукыннан файдаланды.

Сайлау участоклары иртәнге җидедә ачылды, тавыш бирү кичке сәгать сигезгә кадәр дәвам итә.

Владимир Васильев