Татарча сөйлисең – бүләк аласың

"Мин татарча сөйләшәм!" район бәйгесе быел да үткәреләчәк.

Район газетасы редакциясе, Бөтендөнья татар конгрессының район бүлеге, мәгариф бүлеге, мәгълүмати-методик үзәк оештыручы бу бәйгедә, ул март ахырларында була, мәктәп укучылары һәм укытучылар көч сынаша.

Быел рус, чуваш, мордва, әрмән, әзербайҗан, таҗик, үзбәк балалары экология, әйләнә-тирә мохит темасына шигырьләр сөйләргә, җырлар башкарырга тиеш. Билгеле, бары татар телендә.

Бәйгенең җиңүчеләренә юмарт эшкуарлар - Себердә яшәүче һәм эшләүче Әмир егетләре - Фазыл һәм Миндар Әгъләмовларның бүләкләре тапшырылачак.