Пенсия тупланмасын варислар алачак

Россия Пенсия фондының Чирмешән районындагы идарәсенә агымдагы елда, гомере чикләнгән иминиятләнүчеләрнең пенсия тупланмасын түләүне сорап, аларның туганнары - 20 варис гариза белән мөрәҗәгать иткән (2011 елда - 62).

Шунысын искәртеп үтү урынлы булыр, пенсия тупланмалары мәрхүмгә хезмәт пенсиясенең тупланма өлеше билгеләнмәгән очракта гына түләнелә. Варислар иминиятләнгән затның вафат булуына 6 ай тулганчы гариза белән мөрәҗәгать итәргә тиешләр.Варислар итеп беренче чиратта мәрхүмнең балалары (уллыкка алынганнары да), тормыш иптәше һәм ата-анасы таныла. Әгәр мондый якыннары юк икән, тупланма икенче чират варисларга - ир яки кыз туганнарына, бабасына яки әбисенә, яисә оныгына түләнә.

Әгәр дә мәрхүм Пенсияне дәүләт финанслашуы программасында катнашкан икән, программа кысаларындагы һәм дәүләт финанслашуы аркылы кергән акчалар барысы да вариска түләнә.