Ни өчен өйдә диңгез кабырчыкларын сакларга ярамый?

Эзотериклар аларны өйдә тотмаска киңәш итә. Белгечләр фикеренчә, алар өйгә начар энергетика тартып тора икән. Кабырчык — үлгән моллюскның өе бит ул. Өйгә аның мәете калдыкларын алып кайту яхшылыкка түгел икән. Ул талашуларга, конфликтларга, акчасызлыкка сәбәпче була, ди.

Матур кабырчыкны диңгез буеннан үзегез тапкан түгел, ә сатып алган булсагыз, тагын да начаррак. Акча эшләргә теләүчеләр матур кабырчык эчләреннән тере җан иясен алып ташлап, аны үлемгә дучар итә, ә кабырчыгын сата. Мондый кабырчык бернинди яхшылык та китермәячәк.

Экологлар да кабырчыкларны өйгә ташуга каршы. Алар табигать өчен кирәк. Ә менә феншуй белгечләре, кабырчыклар өйгә начарлык китерми, дип саный. Шуңа үзегез карагыз инде... Тиздән — җәй...

чыганак

фото: https://pixabay.com/ru