Безнең Чирмешән
  • Рус Тат
  • Мәчеттә – ифтар ашы

    Рамазан аеның 15нче көнендә Чирмешән мәчетендә, бүген Чирмешәндә яшәүче, тумышлары белән Урманасты Үтәмешнекеләр ифтар мәҗлесе уздырдылар. Мәчеттә быел мондый мәҗлес моңа кадәр инде җиде тапкыр булды. - Әгәр дә өлкәннәребезнең 20 проценты чамасы гына булса да мәчеткә йөрсә, безгә бу мәчет кенә җитмәс иде, - ди Чирмешән мәчете имамы Хәбир...

    Рамазан аеның 15нче көнендә Чирмешән мәчетендә, бүген Чирмешәндә яшәүче, тумышлары белән Урманасты Үтәмешнекеләр ифтар мәҗлесе уздырдылар. Мәчеттә быел мондый мәҗлес моңа кадәр инде җиде тапкыр булды.

    - Әгәр дә өлкәннәребезнең 20 проценты чамасы гына булса да мәчеткә йөрсә, безгә бу мәчет кенә җитмәс иде, - ди Чирмешән мәчете имамы Хәбир Ханов.
    - Шөкер, дин юлына басучылар саны арта бара.
    Тәслия Мөхәммәтҗанова һәм Кадрия Мөхәммәтшиналар һәр көнне диярлек 80-100 кешегә аш әзерлиләр. Бу эштә аларга Римма Хәлиуллина, Зәйнәп Сәйфетдинова, Кәүсәрия Җиһаншиналар да булыша.
    - Үзегез дә ураза тотып, шулкадәр зур табын көйләү авыр түгелме? - дигән сорауга алар: - Эш белән көннең үткәнен сизмибез дә, - диделәр.
    Ифтар ашына җыелган халыкка Төркиядән килгән коръән-хафиз Түнҗәр Зирдали Коръән сүрәләре укыды. Авыз ачканнан соң Хәбир хәзрәт Ханов йөрәкләргә үтеп керерлек итеп вәгазь сөйләде.
    - Мәчеттә ифтар мәҗлесләре, дини укулар оештыруда хәзрәтебезнең өлеше зур. Без аңа бик рәхмәтле. Мәчеткә гел барасы килеп тора, - ди, биредә дин дәресләре өйрәнгән Фәридә Бәдретдинова.
    Автор фотолары.

    Нравится
    Поделиться:
    Комментарии (0)
    Осталось символов: