Безнең Чирмешән
  • Рус Тат
  • Хәтерне ничек яхшыртырга?

    Хәтер начарлану – замана баласының иң авырткан урыннарының берсе. Хәтер яхшыртуны нидән башларга?

    1. Балагыз чит тел өйрәнә башласын. Көненә чит телдә ун яңа сүз яки катлаулы булмаган 2 җөмлә өйрәнә башласа, баланың хәтере яхшыра барачак.
    2. Яңа һөнәр үзләштерү дә файдалы. Гитара, пианинода уйнау, бию түгәрәкләренә язылсагыз да, нәтиҗәсе озак көттермәс. Көн дәвамында балагызны урамда саф һавада йөртергә дә вакыт табыгыз. Саф һава баш миендәге кан әйләнешен яхшырта. Бу исә баланың хәтеренә дә уңай йогынты ясаячак.
    3. Кичен балагыз белән узып баручы көнгә нәтиҗә ясауны да гадәткә кертегез. Аннан көн дәвамында ниләр эшләвен, кайларда булуын сорашыгыз. Мондый әңгәмә барышында баланың хәтере генә яхшырып калмыйча, ул эзлекле итеп сөйләргә, вакыйгаларны хронологик тәртиптә бәян итәргә дә өйрәнәчәк. Дөрес, баштарак балага авыррак булачак. Шуңа күрә аңа җавап биргәндә ярдәм итәрлек, җиңелчә сораулар бирегез.
    4. Сүзнең ахыргы хәрефеннән башланган яңа сүз әйтеп уйнау, рәсемнәрне истә калдыру, беренче карашка икесе нәкъ бертөрле кебек тоелган рәсемнәрне чагыштыру да баланың хәтерен яхшыртачак. Моннан тыш алар игътибарлылыкны да арттыра.
    5. Баланың туклануы да игътибардан читтә калмасын. Кыздырылган балык, шпинат, әстерхан чикләвеге, диңгез кәбестәсе хәтерне яхшыртучы иң шәп ризыклар санала. Балалар аларның күбесен яратып бетерми, билгеле. Әмма хәтере начарланган сабый көнгә шуларның берсен генә булса да ашарга тиеш. Әлеге продуктлар баш мие эшчәнлеген дә яхшырта.
    6. Бала белән бергәләп китап уку, соңрак укыган әкият, әсәрнең эчтәлеген сөйләү, шигырь ятлау да хәтерне яхшырта. Бер үк вакытта баланың тел байлыгы да чарланачак.
    7. Баланың йокысы тую да мөһим. 8 сәгатьтән дә ким йоклаган баланың хәтере начарлануга аптырыйсы юк. Шуңа күрә баланы вакытында йокларга ятып, вакытында торырга өйрәтергә кирәк.

    Чыганак

    Фото: https://pixabay.com/ru

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: