Чирмешәнлеләрнең 2 миллион 500 мең сумнан да күбрәк бурычлары җыелган

Билгеле, район үзәгендә яшәүчеләр бу яктан “иң алда”, аларның бурычы 2 миллион сумга җиткән.

– Нигездә, чүп чыгару өчен бурычлылар күп, район халкы бу төр хезмәт күрсәтүче оешмага 1 миллион 404 мең сум тиеш, - ди муниципаль район башкарма комитеты җитәкчесенең икътисад мәсьәләләре буенча урынбасары Марат Әһлиуллин. – Халыкның су өчен дә шактый бурычы җыелган – 874 мең сум. Электрчылар бу яктан отышлырак хәлдә, аларга халыкның 296 мең сум түлисе калган.