Безнең Чирмешән
  • Рус Тат
  • Чирмешән әниләренә бала тапкан өчен акча бирәләр

    Былтыр районда беренче балага бер тапкыр бирелә торган 50 мең сум акчаны - 38, өченче балага тиеш булган 100 мең сумны 10 гаилә алган.

    Узган ел башында Татарстан Президенты республикада яшәүче авыл хатын-кызлары өчен өстәмә түләүләр турында карар имзалаган иде. Аның нигезендә, авылда яшәп, беренче баласын 25 яшькәчә  тапкан хатын-кызлар – 50 мең сум, өченче баласын 28 яшькәчә тудырган әниләр 100 мең сум өстәмә түләү алырга хокуклы.

    Әлеге категориягә караган хатын-кызлар, 2018 елның 1 гыйнварыннан соң бала тапкан булса, социаль яклау бүлекчәләренә 6 ай дәвамында мөрәҗәгать итә ала. Гариза 10 көн эчендә карала. Бу түләүләрне  авылда кимендә 3 ел яшәгән һәм Россия Федерациясе гражданины булган хатын-кызларга  гына бирәләр.

    Социаль яклау бүлеге хезмәткәрләре шуны да искәртәләр, хатын-кыз ана хокукыннан мәхрүм ителгән, яисә ана хокукларында чикләнгән, бала тулысынча дәүләт карамагында булган очракта әлеге түләүләр бирелми, ләкин бу акчаны әтисе я опекуны алырга мөмкин.

    Фото автора

    Нравится
    Поделиться:
    Комментарии (0)
    Осталось символов: